აჭარაში კორონავირუსით ინფიცირების 235 ახალი შემთხვევა გამოვლინდა
30 სექტემბერი 2020, 16:00 2545 ნახვადღეიდან კოვიდი 19-ის მკურნალობის ახალი პროტოკოლი ამოქმედდა. გამოჯანმრთელებულის სტატუსის მისაღებად განმეორებითი ტესტი აღარაა საჭირო. სწორედ ამანაც განაპირობა, რომ გამოჯანმრთელებულთა რიცხვი 2 დღეში 718-მდე გაიზარდა. ამის შესახებ განცხადება ბათუმში გამართული საკოორდინაციო საბჭოს სხდომის შემდეგ გაკეთდა. დღეს გამოვლენილი 235 შემთხვევის მიუხედავად, ეპიდემიოლოგების განცხადებით, აჭარაში ეპიდვითარების დასტაბილურების ნიშნები იკვეთება. მათივე განმარტებით, იმედის მომცემია ის, რომ შემთხვევათა ნახტომისებრი მატება აღარაა. შეზღუდვებისგან შედეგების მიღებას კი მისი ამოქმედებიდან 2 კვირაში ელოდებიან. ბრიფინგზე ითქვა, რომ 107 ადგილია დარჩენილი კლინიკებში ახალი პაციენტების მისაღებად. ჯანდაცვის უწყებაში ამბობენ, რომ ამ ეტაპზე გაფართოებული ტესტირება აღარაა საჭირო და მხოლოდ მიზნობრივი ჯგუფები _ სიმპტომის მქონე და კონტაქტში მყოფები გაიტესტებიან.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა