ვარკეთილის ბაზრობაზე ხანძარი ლიკვიდირებულია, დამწვარია 4000 კვადრატამდე სასაწყობე ჯიხური
16 ივნისი 2020, 10:37 1385 ნახვა
ვარკეთილის ბაზრობაზე გაჩენილი ხანძარი სრულად ლიკვიდირებულია. თბილისის სახანძრო-სამაშველო სამმართველოს უფროსის ოთარ კერესელიძის განცხადებით დამწვარია დაახლოებით 4000 კვ-მდე სასაწყობე ჯიხურები. მისივე განმარტებით, ამ დროისთვის ხანძრის გამომწვევი მიზეზების შესწავლა მიმდინარეობს.
გუშინ ღამით ვარკეთილის შერეულ ბაზარში ხანძარი გაჩნდა. საგანგებო სიტუაციების მართვის სამსახურის ინფორმაციით, ადგილზე მუშაობდა 130-მდე მეხანძრე-მაშველი და 25 ერთეული სახანძრო-სამაშველო ტექნიკა. ადგილზე იმყოფებოდა შინაგან საქმეთა სამინისტროს საპატრულო და კრიმინალური პოლიციის ეკიპაჟები, ასევე, სასწრაფო-სამედიცინო დახმარების ჯგუფები.
შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა