17 წლის ბიჭმა მამას სასიკვდილო ჭრილობა მიაყენა
21 თებერვალი 2020, 17:19 2107 ნახვა
შინაგან საქმეთა სამინისტროს ინფორმაციით, 17 წლის ბიჭმა მამას სანადირო თოფიდან ესროლა, მამაკაცი ადგილზე გადაიცვალა. შემთხვევა საჩხერის მუნიციპალიტეტის სოფელ ჭალაში მოხდა. არასრულწლოვანმა მამას საცხოვრებელ სახლში, ოჯახური კონფლიქტის ნიადაგზე წარმოქმნილი ურთიერთშელაპარაკების დროს სასიკვდილო ჭრილობა მიაყენა.
უწყების ცნობით, ბიჭმა კვალის დაფარვის მიზნით, მოკლული მამის ცხედარი ეზოში მდებარე დამხმარე სათავსოს სარდაფში გადამალა. ასევე, დადგინდა, რომ მომხდარი ფაქტის დროს მამა-შვილი სახლში მარტო იმყოფებოდა.
სამართალდამცველებმა, ჩატარებული ოპერატიულ-საგამოძიებო მოქმედებების შედეგად, ბრალდებული საკუთარ საცხოვრებელ სახლში, მალევე დააკავეს. პოლიციამ დანაშაულის ჩადენის იარაღი - თოფი ნივთმტკიცებად ამოიღო.
დაკავებული დანაშაულს აღიარებს.
დანაშაული 13-დან 17 წლამდე ვადით თავისუფლების აღკვეთას ითვალისწინებს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა