ოკუპირებული აფხაზეთის ე.წ. საპრეზიდენტო არჩევნებზე სამი კანდიდატი იყრის კენჭს
12 თებერვალი 2020, 09:52 882 ნახვა
ე.წ. საარჩევნო ადმინისტრაციის ინფორმაციით, ოკუპირებულ აფხაზეთში განმეორებით ე.წ. საპრეზიდენტო არჩევნებში მხოლოდ სამი კანდიდატი მიიღებს მონაწილეობას. რეგისტრაცია 21 თებერვლამდე გაგრძელდება.
საარჩევნო კომისიის მდივნის ანუშ ხოჯიკიანის განცხადებით, საინიციატივო ჯგუფმა ოპოზიციის ერთ-ერთი ლიდერის ასლან ბჟანიას კანდიდატურა წარადგინა, მეორე კანდიდატია ე.წ. ვიცე-პრემიერი, ეკონომიკის დე ფაქტო მინისტრი ადგურ არძინბა, მესამე კანდიდატი კი, პარტია „აკზაარიდან“, ყოფილი ე.წ. შინაგან საქმეთა მინისტრი ლეონიდ ძაპშბაა.
საინიციატივო ჯგუფის მიერ წარდგენილმა სოხუმის ადმინისტრაციის დე ფაქტო მეთაურმა ქან კვარჭიამ, არჩევნებში მონაწილეობაზე უარი თქვა. ასევე აღარ აპირებს მონაწილეობას დე ფაქტო ექსპრეზიდენტი რაულ ხაჯიმბა.
კანდიდატების რეგისტრაცია 22 იანვარს დაიწყო. არჩევნები“ კი 22 მარტს გაიმართება. შეგახსენებთ, 12 იანვარს, ოპოზიციის ოთხდღიანი პროტესტის შედეგად, დე ფაქტო პრეზიდენტი რაულ ხაჯიმბა გადადგა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
28 დეკემბრიდან 29 დეკემბრის დილამდე საქართველოში მოსალოდნელია დროგამოშვებით ნალექი, მთაში ზოგან ძლიერი თოვა და ქარბუქი - გარემო
გადასვლა პოსტზე 
მაუწყებლობა