ორ მილიონ ლარზე მეტი აჭარის მთავრობის აპარატის 106 თანამშრომლისთვის

30 იანვარი 2020, 20:13 1813 ნახვა

წლები გადის, მთავრობები იცვლება, თანამშრომლებზე პრემიების, დანამატების, თუ ჯილდოების გაცემის დასაბუთებას კი, მისი სიდიდის, თუ შედარებითი სიმცირის მიუხედავად ისევ ვერ ახერხებენ - აჭარის მთავრობის აპარატში დეკემბერში ხელფასებთან ერთად ჯილდოს სახით 157 ათასი ლარის გაცემის კანონიერებაზე საუბრობენ, მაგრამ მათ კანონის დარღვევას არც არავინ აბრალებს - საქმე იმაშია, რომ მესამე სექტორიც და ოპოზიციაც ითხოვს პასუხს კითხვაზე - რა დამსახურებისთვის დაანაწილეს მთავრობაში ჯილდოები.

ამბობენ, რომ დაანოსნებული მცირე მთავრობის კონცეფციის მიუხედავად ხარჯი იზრდება. ამაყად ნათქვამი 4-მილიარდიანი საინვესტიციო პორტფელის ფონზე კი რეგიონში რეალურად არაფერი იცვლება. ოპოზიციას მმართველ გუნდში წარსულს და პრემიის სახით გაცემულ კოლოსალურ თანხებს ახსენებენ. ცნობისთვის, მხოლოდ გასულ წელს მთავრობის აპარატის თანამშრომელთა შრომის ანაზღაურებისთვის 2 მილიონ ლარზე მეტი დაიხარჯა.

ირინე წუწუნავა

ჟურნალისტი