ოკუპირებული ცხინვალის ე.წ. უსაფრთხოების კომიტეტის განცხადება პროვოკაციულია - სუსი

24 ოქტომბერი 2019, 11:40 1618 ნახვა

მსგავსი პროვოკაციული განცხადებები წარმოადგენს იმ დეზინფორმაციული კამპანიის ნაწილს, რომელსაც განსაკუთრებით ბოლო პერიოდში აქტიურად იყენებენ საოკუპაციო ძალები, ხაშურის მუნიციპალიტეტის სოფელ ჩორჩანას მიმდებარე ტერიტორიაზე და ზოგადად, საოკუპაციო ხაზის გასწვრივ მათ მიერვე ინსპირირებული პროვოკაციული ქმედების გასამართლებლად, - აცხადებენ სახელმწიფო უსაფრთხოების სამსახურში.

ოკუპირებული ცხინვალის ე.წ. სახელმწიფო უსაფრთხოების კომიტეტი აცხადებს, რომ საქართველოს ძალოვანი სტრუქტურები ე.წ. საზღვრის მონაკვეთზე მასშტაბურ პროვოკაციას ამზადებენ.

სახელმწიფო უსაფრთხოების სამსახურში ამბობენ, რომ ადგილობრივი მოსახლეობის უსაფრთხოებისთვის ხელისუფლება ყველა ბერკეტს იყენებს.

„პერმანენტულ რეჟიმში ფუნქციონირებს ცხელი ხაზი და ინფორმაცია ადგილზე არსებული ვითარების შესახებ რეალურ დროში მიეწოდება ჩვენს საერთაშორისო პარტნიორებს“, - აცხადებენ სუს-ში.

აჭარის მაუწყებელი

სოც. ადმინისტრატორი

სუსი ოკუპირებული ცხინვალი პროვიკაცია