ბონში სავარაუდოდ ახალგაზრდა ქალი ქმარმა კისრის არეში დაჭრა

31 აგვისტო 2019, 11:36 6428 ნახვა
00:00
00:00

ბათუმში, ბონის დასახლებაში  ახალგაზრდა ქალი სავარაუდოდ ქმარმა კისრის  არეში დაჭრა.

კისრის არეში ცივი იარაღით მიყენებული დაზიანებებით  ქალი  სასწრაფო სამედიცინო დახმარებამ საავადმყოფოში  გუშინ  გადაიყვანა. 

აჭარის საზოგადოებრივი მაუწყებლის ინფორმაციით შემთხვევა ცოლ-ქმარს შორის სიტყვიერ და ფიზიკურ დაპირისპირებას მოჰყვა.

ფაქტს ადასტურებენ შინაგან საქმეთა სამინისტროში. უწყებაში გვითხრეს, რომ პოლიციამ ქმარი ცხელ კვალზე დააკავა. მათივე ინფორმაციით,  გამოძიება საქართველოს სსკ-ს 11-პრიმა-117-ე მუხლით მიმდინარეობს, რაც ოჯახის წევრის ჯანმრთელობის განზრახ მძიმე დაზიანებას გულისხმობს.

სამედიცინო დაწესებულებაში  ამბობენ, რომ  დაშავებულის სიცოცხლეს საფრთხე არ ემუქრება.

 

თამუნა ხოზრევანიძე
ჟურნალისტი

ამავე კატეგორიაში

#უსმინეთ!

დილის ტალღა

პოპულარული

ამინდი