"დაკავებულთა ნაწილი, შესაძლო ძალის გადამეტებაზე საუბრობს" - სახალხო დამცველი
21 ივნისი 2019, 12:04 1457 ნახვა
სახალხო დამცველის აპარატი განცხადებას ავრცელებს. როგორც განცხადებაშია ნათქვამი აპარატის თანამშრომლებმა პოლიციის სამმართველოებში მოინახულეს აქციაზე დაკავებულები, რომელთა ნაწილმაც სამართალდამცავთა მხრიდან ძალის შესაძლო გადამეტების ფაქტებზე მიუთითა.
მათივე თქმით, სახალხო დამცველის წარმომადგენლები სწავლობენ აქციის მიმდინარეობისას დაფიქსირებულ თითოეულ ინციდენტს. მუშაობენ სავარაუდოდ დაკავებულ და დაკარგულ პირთა ადგილსამყოფელის დასადგენად. ამასთან, დააკვირდებიან სასამართლო პროცესებს, მოინახულებენ საავადმყოფოში გადაყვანილ დაზარალებულებს.
ჰქონდა თუ არა ადგილი სამართალდამცავთა მხრიდან ძალის გადამეტების ფაქტებს სახალხო დამცველი სამართლებრივ შეფასებას მოგვიანებით გააკეთებს.
ომბუდსმენი მოქალაქეებს მოუწოდებს, უფლებადარღვევის თაობაზე ინფორმაციის ფლობის შემთხვევაში, დაუკავშირდნენ საქართველოს სახალხო დამცველის აპარატის ცხელ ხაზს: 1481.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
მოსალოდნელია ნალექი, ზოგან ძლიერი თოვა, ქარი, ზღვაზე 4-6 ბალიანი შტორმი - გარემო
გადასვლა პოსტზე 
მაუწყებლობა