პარლამენტარს თინა ბოკუჩავას უბანი პოლიციელებმა იძულებით დაატოვებინეს
19 მაისი 2019, 20:27 2117 ნახვაპარლამენტის წევრი თინა ბოკუჩავა ზუგდიდის მე-9 უბნიდან პოლიციელებმა იძულების წესით გამოიყვანეს. ''ერთიანი ნაციონალური მოძრაობის'' დეპუტატს უბანზე პირადობის მოწმობა მოსთხოვეს, რომელიც არ ჰქონდა.
თინა ბოკუჩავამ განაცხადა, რომ აქვს ცესკოს აკრედიტაცია და პარლამენტის წევრის საშვი, ამიტომ კომისიის წევრებს უფლება არ ქონდათ, უბანზე არ შეეშვათ.
"ეს არის პარლამენტის წევრის საშვი და ყველგან შემიძლია ამ საშვით შესვლა" - განაცხადა ბოკუჩავამ. იგი ამბობს, რომ პოლიციის ათმა თანამშრომელმა კიბეებზე იძულებით ჩამოათრიეს.
ბოკუჩავა ამტკიცებს, რომ კანონმდებლობით კომისიის წევრებს უფლება არ ჰქონდათ, დეპუტატი უბნიდან გამოეძევებინათ. კანონს კი ისინი არასწორად განმარტავდნენ.
ზუგდიდის მეცხრე უბანთან ათეულობით პოლიციელია მობილიზებული, რომლებსაც პერიმეტრი გადაკეტილი აქვთ.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა