ცოლის თვითმკვლელობის ცდამდე მიყვანის ბრალდებით ქმარი დააკავეს - შსს
15 მაისი 2019, 14:42 3415 ნახვა
შინაგან საქმეთა სამინისტროს ინფორმაციით, 44 წლამდე ასაკის კაცი, ცოლის თვითმკვლელობის ცდამდე მიყვანის ბრალდებით დააკავეს, დედამთილს კი ბრალი წარუდგინეს.
შემთხვევა თეთრიწყაროს რაიონში მოხდა.
გამოძიებით დადგინდა, რომ დაკავებულმა მეუღლეზე ფიზიკურად იძალადა. შსს-ს ცნობით, ბრალდებული გარკვეული პერიოდის განმავლობაში, ქალს სისტემატურად ამცირებდა, პატივსა და ღირსებას ულახავდა. აღნიშნულის გამო ქალმა თვითმკვლელობა სცადა და თვითდაზიანება მიიყენა.
დაშავებულს სამედიცინო დახმარება საავადმყოფოში გაუწიეს.
ბრალის დამტკიცების შემთხვევაში მამაკაცს, 2-დან 4 წლამდე ვადით თავისუფლების აღკვეთა ემუქრება.
შინაგან საქმეთა სამინისტროს მიერ გავრცელებულ განცხადებაში წერია, რომ სისტემატური ფსიქოლოგიური ძალადობა დაზარალებულის დედამთილის მხრიდანაც გამოიკვეთა, რის გამოც მას ბრალი წარუდგინეს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა