ხმაურით დაიწყო დღეს ბათუმის საკრებულოს რიგგარეშე სხდომა. ოპოზიციური ფლანგის დეპუტატების უკმაყოფილება ბიუჯეტში ცვლილებების დამტკიცების საკითხმა გამოიწვია. როგორც “ერთიანი ნაციონალური მოძრაობის” წევრი აცხადებდა, ის ინფრასტრუქტურული სამუშაოები, რომელთა განხორციელებასაც ქალაქის მერია გეგმავს, ამ დროისთვის აუცილებლობას არ წარმოადგენდა, ბიუჯეტში ცვლილებების დამტკიცება კი არჩევნების შემდეგაც იყო შესაძლებელი. გიორგი კირთაძემ ბათუმის მერი ამომრჩევლის მოსყიდვაში დაადანაშაულა.

მმართველი გუნდის წარმომადგენლები არჩვნებამდე, ფორს-მაჟორულ სიტუაციაში, ბიუჯეტში ცვლილებების განხორცილებას დარღვევად არ მიიჩნევდნენ. გიორგი ერმაკოვი აცხადებს, რომ ფინანსთა და ეკონომიკის სამინისტროს მიერ გაყიდული მიწის ნაკვეთის თანხა მხოლოდ დღეს მიიღეს. მისივე განმარტებით, ფაქტი ამომრჩევლის მოსყიდვად ვერ ჩაითვლება, რადგან, ქალაქის გარკვეულ უბნებზე, პროექტით გაწერილი სარეაბილიტაციო სამუშაოები მხოლოდ არჩევნების შემდეგ დაიწყება.