ნაციონალური მოძრაობის განცხადებას რეგიონის პირველი პირი პოპულისტურს უწოდებს და წინა საარჩევნო პიარის ნაწილად აფასებს. 
ზურაბ პატარაძის განცხადებით, კანონის ფარგლებში მოქმედებენ და, კითხვის ნიშნების არსებობის შემთხვევაში, შეუძლიათ შესაბამის უწყებას მიმართონ. ფინანსთა და ეკონომიკის მინისტრის განცხადებით, კი მახინჯაურში, პანსიონატი "მზიური" და გოგირდის აბანოების ყოფილი ტერიტორიები ნაციონალური მოძრაობის მმართველობისას 1 ლარად გასხვისდა, რაზეც წლების განმავლობაში დაანონსებული ინვესტიციები არ განხორციელებულა. რამაზ ბოლქვაძის განმარტებით, საინვესტიციო პროექტი მახინჯაურში 1 ლარის ნაცვლად მოქმედი მთავრობის პირობებში 3 მილიონ 900 ათას ლარად გაიყიდა. საუბარია დაახლოებით 50 მლ ლარის ინვესტიციაზე. აშენდება მინიმუმ 100 ნომრიანი სასტუმრო-კომპლექსი, სადაც შემოვა საერთაშორისო დონის ბრენდი. საპრივატიზებო ღირებულება შეადგენს 978 ათასდოლარს. რაც შეეხება მახინჯაურის ტერიტორიას, ეს არის ახალი სიტყვა აჭარის ტურიზმის სფეროში. საუბარია სანატორიუმის ტიპის ცენტრის მშენებლობაზე”.