საჯარო სამსახურში დასაქმების სანაცვლოდ პირს 3500 დოლარს ახდევინებდნენ
11 მარტი 2019, 00:00 2500 ნახვასამართალდამცველებმა დააკავეს პირი, რომელიც 3 500 დოლარის სანაცვლოდ მოქალაქეს საჯარო სამსახურში დასაქმებას დაპირდა. ბრალდებულმა მას უთხრა, რომ თანხის სანაცვლოდ შინაგან საქმეთა სამინისტროში, მაღალანაზღაურებად პოზიციაზე დააწყებინებდა მუშაობას.
ბრალდებულმა მოქალაქეს წინასწარ მოსთხოვა და გამოართვა თანხის ნაწილი 2 000 აშშ დოლარი, რა დროსაც ის პოლიციამ აიყვანა.
''საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, მართლსაწინააღმდეგო მისაკუთრების მიზნით სხვისი ქონების მოტყუებით დაუფლების მცდელობის ფაქტზე ერთი პირი დააკავეს. გამოძიება საქართველოს სისხლის სამართლის კოდექსის 180-ე მუხლის მე-2 ნაწილით მიმდინარეობს, რაც სასჯელის სახით 4-დან 7 წლამდე ვადით თავისუფლების აღკვეთას ითვალისწინებს'' - წერია განცხადებაში.
ამავე კატეგორიაში
#უსმინეთ!
#უყურეთ!
პოპულარული
ამინდი
მაუწყებლობა