არშემდგარი ტენდერი

19 იანვარი 2019, 00:00 1198 ნახვა

ქობულეთში მიუსაფარ ცხოველების გაუვნებელყოფის მომსახურების შესყიდვაზე გამოცხადებული ტენდერი არ შედგა. მერიას 2019 წლისთვის 40 000 ლარი აქვს გამოყოფილი იმისთვის , რომ ტენდერით გამარჯვებულმა კომპანიამ ქუჩებიდან მიუსაფარი ცხოველები ვეტერინარულ კლინიკაში უნდა გადაიყვანოს , კასტრაცია სტერილიზაცია,ვაქცინაცია ჩაუტაროს და შესაბამისი მარკირება გაუკეთოს.

გადაუდებელი საჭიროების შემთხვევაში კი ცხოველს ევთანაზია ჩაუტარდება. შესყიდვების სააგენტოს ოფიციალურ გვერდზე ჩანს, რომ ტენდერში მონაწილეობა არცერთმა კომპანიამ არ მიიღო , მერიაში აცხადებენ , რომ ელექტრონულ ტენდერს უახლოეს დღეებში ისევ გამოაცხადებენ . ქობულეთიდან მიუსაფარი ცხოველები ბოლოს დეკემბერში გაიყვანეს ,ახალი კომპანიის გამოვლენამდე კი ცხოველების გაუვნებელყოფა ვეღარ მოხდება.

სოფიკო მაკარაძე

ჟურნალისტი