ეკა ბესელია მესამე სექტორს ხვდება

17 იანვარი 2019, 00:00 1570 ნახვა

არასამთავრობო ორგანიზაციები უზენაესი სასამართლოს მოსამართლეთა უვადოდ არჩევის წესისა და კრიტერიუმებთან დაკავშირებით საკუთარ ხედვებს ხვალ წარადგენენ, მანამდე ისინი იურიდიული კომიტეტის ყოფილ თავმჯდომარეს ეკა ბესელიას და უმრავლესობის სხვა ლიდერებს ხდებიან, რომლებიც მოსამართლეთა წარდგენილ სიას მხარს არ უჭერენ.

მესამე სექტორში მიაჩნიათ, რომ შესაცვლელია იუსტიციის უმაღლესი საბჭოს შემადგენლობა. მმართველი პარტიის წევრები აცხადებენ, რომ უზენაეს სასამართლოში უვადოდ კეთილსინდისიერი მოსამართლეები უნდა ინიშნებოდნენ. უზენაესი სასმართლოში ამჟამად 10 მოსამართლეა გამწესებული. ჯამში სასამართლოში 28 მოსამართლემ უნდა შეასრულოს მოვალეობა.

რამდენიმე კვირა მმართველი ძალაში დაპირისპირების მიზეზი მოსამართლეთა ის შემადგენლობაა, რომელიც დასამტკიცებლად იუსტიციის უმაღლესმა საბჭომ პარლამენტს წარუდგინა.