ქობულეთის მოსახლეობა სასაფლაოს ტერიტორიის კეთილმოწყობას ითხოვს

10 დეკემბერი 2018, 00:00 1636 ნახვა

სასაფლაოს მოწესრიგებას ითხოვენ ქობულეთში. საუბარია ფიჭვნარში არსებულ სასაფლაოზე, თუმცა მოსაწესრიგებელია მუნიციპალიტეტის ტერიტორიაზე არსებული მეორე სასაფლაოც.

ითხოვენ წყლის მიყვანას, განათებების დამონტაჟებას, დალაგებას, შემოღობვას და ურნების განთავსებას - ამ მოთხოვნით მოქალაქეებმა საკრებულოს ჯერ კიდევ 2016 წელს მიმართეს პეტიციით. მას შემდეგ მერია ფიქრობს - როგორ გადაჭრას პრობლემა. ცნობისთვის, მოქალაქეებმა მოთხოვნა და შენიშვნები მომავალი წლის ბიუჯეტის პროექტის საჯარო განხილვისასაც დააფიქსირეს. თანხა სასაფლაოს ინფრასტრუქტურისთვის 2019 წლის ბიუჯეტში არაა გათვალისწინებული.

სოფიკო მაკარაძე

ჟურნალისტი