ნიკოლოზ ბასილაშვილი VS რაფაელ ნადალი

03 სექტემბერი 2018, 00:00 1791 ნახვა

„შემეძლო, სამ პარტიაში დამესრულებინა მატჩი, მაგრამ არ გამომივიდა. საერთო ჯამში, ტაიბრეიკზე ცუდად არ გამოვიყურებოდი, მაგრამ ბასილაშვილმა ბრწყინვალედ ითამაშა. ჩემთვის ეს დიდი მოგებაა“, - ეს კომენტარი - რაფაელ ნადალმა კორტზე თამაშის დასრულების შემდეგ გააკეთა.

აშშ-ის ღია პირველობის მერვედფინალში ღირსეული წინააღმდეგობის მიუხედავად ქართველი ჩოგბურთელი, ნიკოლოზ ბასილაშვილი ესპანელ რაფაელ ნადალთან დამარცხდა და ტურნირს გამოეთიშა. მსოფლიოს პირველმა ჩოგანმა ბასილაშვილს ოთხ სეტში მოუგო და მეოთხედფინალში გავიდა. შეხვედრა 3 საათზე მეტ ხანს გაგრძელდა.

ქართველი ჩოგბურთელი კარიერაში პირველად გავიდა დიდი სლემის ტურნირის მერვედფინალში. ბასილაშვილმა 180 სარეიტინგო ქულა გამოიმუშავა და რეიტინგში 31-ე პოზიციაზე გადავიდა, რაც მისი რეკორდია.