საზაფხულო სეზონის დაწყებასა და მგზავრთა ნაკადის გაზრდის გამო, საქართველოს რკინიგზამ თბილისსა და ქუთაისიდან, ბათუმის მიმართულებით დამატებითი მატარებლები დანიშნა.

''1 ივლისიდან 15 ივლისის ჩათვლით, ჩქარი ელექტრომატარებელი №808 თბილისიდან 10 სთ 30 წთ-ზე გავა და ბათუმში 15 სთ 30 წთ-ზე იქნება. ელექტრომატარებელი №807 ბათუმი - თბილისი, ბათუმიდან 17 სთ 10 წთ-ზე გამოვა, ხოლო თბილისში 22 სთ 03 წთ-ზე იქნება.

2 ივლისიდან 15 ივლისის ჩათვლით, ჩქარი ელექტრომატარებელი №806 თბილისიდან 6 სთ 30 წთ-ზე გავა და ბათუმში 11 სთ 30 წთ-ზე ჩავა. მატარებელი №805 ბათუმი - თბილისი, ბათუმიდან 14 სთ 20 წთ-ზე გამოვა, ხოლო თბილისში 19 სთ 22 წთ-ზე იქნება.

1 ივლისიდან რეისები დაემატება ქუთაისი-ბათუმის მიმართულებასაც. ჩქარი ელექტრომატარებელი №898 ქუთაისი - ბათუმი 8 სთ 05 წთ-ზე გავა და ბათუმში 11 სთ 01 წთ-ზე ჩავა, ხოლო მატარებელი №897 ბათუმი - ქუთაისი, ბათუმიდან 21 სთ 00 წთ-ზე გამოვა და ქუთაისში 23 სთ 55 წთ-ზე იქნება'' - წერია საქართველოს რკინიგზის მიერ გავრცელებულ ინფორმაციაში.