''პრემიერთან შეხვედრა პოლიტიკოსების გარეშე არ უნდა შედგეს'' - ზაალ უდუმაშვილი
04 ივნისი 2018, 00:00 1594 ნახვა
''ერთიანი ნაციონალური მოძრაობის'' ერთ-ერთი ლიდერი ზაალ უდუმაშვილი ამბობს, რომ საქართველოს პრემიერ მინისტრთან შეხვედრა პოლიტიკოსების გარეშე არ უნდა შედგეს.
''თუ გიორგი კვირიკაშვილი ამ ფორმატზე უარს იტყვის, მძლავრ პროტესტს მიიღებს'' - აცხადებს უდუმაშვილი. მისი თქმით პოლიტიკური პარტიების წარმომადგენლები მთავრობის მეთაურთან საგამოძიებო მოქმედებებზე საუბარს არ აპირებს.
''არანაირი საგამოძიებო მიმართულების განხილვას ჩვენ პრემიერთან არ ვაპირებთ. საგამოძიებო მოქმედებებზე საუბარი თუ სურდათ ამისთვის 6 თვე ჰქონდათ. ახლა ჩვენი მოთხოვნა ხელისუფლების დათხოვნაა. ყველა მოქმედება იქნება ერთობლივი და მოთხოვნები ზაზა სარალიძესთან შეთანხმებული'' - განაცხადა ზაალ უდუმაშვილმა, რომელიც რუსთაველის გამზირზე იმყოფებოდა.
დღეს გიორგი კვირიკაშვილის პრესსამსახურმა გაავრცელა ინფორმაცია, რომ პრემიერი მზად არის, პოლიტიკურად ანგაჟირებული პირების გარეშე, მოკლული მოზარდების მშობლებს შეხვდეს.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
მოსალოდნელია ნალექი, ზოგან ძლიერი თოვა, ქარი, ზღვაზე 4-6 ბალიანი შტორმი - გარემო
გადასვლა პოსტზე 
მაუწყებლობა