ინგა გრიგოლიამ პოლიციას მასალები გადასცა

20 მაისი 2018, 00:00 1319 ნახვა

ამ დრომდე საგამოძიებო უწყებაში დაკითხვაზე იმყოფება ტელეწამყვანი ინგა გრიგოლია. შინაგან საქმეთა სამინისტრომ გამოძიება მუქარის მუხლით დაიწყო. ინგა გრიგოლიამ  სოციალურ ქსელში ვრცელი წერილი გამოაქვეყნა, სადაც საუბრობს იმაზე, რომ მას უცნობი კაცი 2011 წლიდან ურეკავს, ფსიქოლოგიურად ძალადობს და ფულს სთხოვს. როგორც აღნიშნავს პოლიციას რამდენჯერმე მიმართა, თუმცა მაშინ ადევნების შესახებ კანონი მიღებული არ იყო და მისი საკითხი რეაგირების გარეშე დარჩა.

ინგა გრიგოლია თავდაცვის მიზნით შეიარაღებულად სიარულს აპირებს. "მე არ მინდა მომკლან! მე არ მინდა ვიცხოვრო ძალადობის ქვეშ! მე არ მინდა, ჩემზე ძალადობა გახდეს ჩემი მეგობრების გადაცემების და რეპორტაჟების თემა.

საერთოდ არ მინდა სიკვდილი და არც ვაპირებ ჯერ! მაგრამ მე არ ვიცი, სახლიდან რომ გავალ, რა შეიძლება დამემართოს. რამდენიმე წელია ვცხოვრობ სრულ საგიჟეთში და რამდენიმე წელია თავი მძაფრსიუჟეტიანი ფილმის გმირი მგონია, რომელსაც მანიაკი დასდევს და როდის წაახრჩობს არ იცის. ამ დღეებში ახალი წერილი და მუქარა მივიღე, რომელიც ტელევიზიაში დატოვა ამ ადამიანმა  სადაც წერს, რომ 20 მაისამდე თუ არ დავუბრუნებ რაღაც ქონებას, სახლის კარს შემომიმტვრევს.-წერს იგნა გრიგოლია “ფეისბუქის” პირად გვერდზე.

ამავე კატეგორიაში