მეორე ლიგის პირველ ტურში ქობულეთის "შუქურა" დამარცხდა

02 მარტი 2018, 00:00 2530 ნახვა

ეროვნული ლიგა 2-ის პირველ ტურში მეორე აჭარული კლუბიც დამარცხდა. ქობულეთის "შუქურამ" შეხვედრა "ნორჩ დინამოელებთან" დათმო . მატჩი 2:3 დასრულდა.
ქობულეთელებმა პირველი ტაიმი საყაიმოდ დაასრულეს, თუმცა მეორე ნახევარში მეოტექე უკეთესად დაუხვდათ.
გოლები "შუქურადან" გიორგი ივანიაძემ და დოს რეის რამოს რაიმ გაიტანეს. მეტოქეთა მხრიდან - მამია ჟვანიამ ორჯერ, ხოლო ერთხელ ბექა ბეროშვილმა გამოიჩინა თავი.
ქობულეთის "შუქურა" მომდევნო ტურის შეხვედრას "ცხინვალის" წინააღმდეგ გამართავს. მატჩი 8 მარტს, 14:00 საათზე გაიმართება.
შეგახსნებთ, ამ დროისთვის "ჩელე არენაზე" სარემონტო სამუშაოები მიმდინარეობს. მოედანზე ხელოვნური საფარი ბუნებრივით იცვლება. გუნდი სამუშაოების დასრულებამდე საშინაო შეხვედრებს, ლანჩხუთის ევგრაფი შევარდნაძის სახელობის სტადიონზე ჩაატარებს.

ლევან დევაძე

ჟურნალისტი