ქობულეთის ნაგავსაყრელის ბედი

06 იანვარი 2018, 00:00 2297 ნახვა

ქობულეთიდან ნარჩენები ისევ ფოთსა და ბათუმში გადააქვთ. მუნიციპალიტეტის გამგეობაში ირწმუნებოდნენ, რომ ნაგავსაყრელი, რომელიც აჭარა-გურიის ადმინისტრაციულ საზღვართან მდებარეობს ტურისტული სეზონისთვის უნდა აღდგენილიყო, თუმცა მოგვიანებით განაცხადეს, რომ პროცესი ნაგავსაყრელთან მცხოვრები ოჯახების წინააღმდეგობის გამო გაჭიანურდა.

არხები გასაწმენდად, ნაგავმზიდის მისასვლელი გზის მოსაწყობად და რკინა-ბეტონის ფილების დასაგებად 117 ათას 963 ლარი მერიამ ამჯერად 2018 წლის ბიუჯეტში გამოყო. როგორც ინფრასტრუქტურის სამსახურში აცხადებენ მოლაპარაკება ბოლო ეტაპზეა და ნაგავსაყრელის აღდგენითი სამუშაოები მიმდინარე წლის მეორე კვარტალში დაიწყება.

სოფიკო მაკარაძე

ჟურნალისტი