საზოგადოებრივი მაუწყებლის პასუხი

16 დეკემბერი 2017, 00:00 1985 ნახვა

პრეზიდენტის შეთავაზებას “მაუწყებლის შესახებ” კანონში შესატან ცვლილებებზე შეხვდეს დაინტერესებულ მხარეებს, საზოგადოებრივი მაუწყებლის აღმასრულებელი საბჭო განცხადებით გამოეხმაურა. "კანონპროექტის მომზადებისა და საპარლამენტო განხილვის პერიოდში ჩვენ მუდმივად ვხვდებოდით ყველა დაინტერესებულ პირსა თუ ჯგუფს და ვუხსნიდით ჩვენს პოზიციას. მხოლოდ მივესალმებით, რომ პრეზიდენტი დაინტერესდა საზოგადოებრივი მაუწყებლით და მზად ვართ, მას ვესაუბროთ ჩვენს პრობლემებზე, გამოწვევებზე, საზოგადოებრივი მაუწყებლის გაძლიერების გზებზე. მხოლოდ ასეთი შეხვედრის შემდეგ, თუ ბატონ პრეზიდენტს კიდევ დარჩება კითხვები საკანონმდებლო ცვლილებებთან დაკავშირებით, მზად ვიქნებით, ვისაუბროთ შეხვედრის სხვა ფორმატზე.

მანამდე კი ნებისმიერ შერეულ ფორმატში მონაწილეობა ჩვენთვის მიუღებელია, რადგან, ჩვენი აზრით, ასეთი ფორმატი არ იძლევა საკითხში გარკვევის რეალურ შესაძლებლობას და შედეგისთვის მხოლოდ საზიანო შეიძლება აღმოჩნდეს. იმის გამო, რომ გარკვეული ჯგუფები ცდილობენ, განზრახ არასწორად განმარტონ კანონის კონკრეტული მუხლები და სრულად დაამახინჯონ კანონის ზოგადი სულისკვეთება, მათთან კამათი მიუღებლად მიგვაჩნია ჩვენი პრინციპებიდან და მაუწყებლის ინტერესებიდან გამომდინარე. -ნათქვამია საზოგადოებრივი მაუწყებლის აღმასრულებელი საბჭოს განცხადებაში. პრეზიდენტთან შეხვედრას მზადაა დაესწროს საზოგადოებრივი მაუწყებლის აჭარის ტელევიზია რადიო.

ამავე კატეგორიაში