აჭარაში საშიში ბაქტერიით სამი ადამიანი გარდაიცვალა

01 დეკემბერი 2017, 00:00 9508 ნახვა

აჭარაში საშიში ბაქტერიით დაავადებულ ახალგაზრდას დღეს კრძალავენ.

5 დღის წინ გარდაცვლილ კაცს, ლეპტოსპიროზი დაუდგინდა. როგორც მედიკოსები ამბობენ, დაავადება ცხოველის შარდისგან დაინფიცირებულ მიწასთან, ცხოველთან, ან წყალთან კონტაქტით გადადის.

გარდაცვლილი სწორედ ცხოველთან კონტაქტის შედეგად დაავადდა. ახლობლები ყვებიან, რომ კაცმა ხელი საქონლის დაკვლის დროს გაიჭრა, რამდენიმე დღე მაღალი სიცხეები ქონდა. მათივე ინფორმაციით, სამედიცინო დაწესებულებას მიმართეს, თუმცა შემთხვევიდან რამდენიმე დღეში ინფიცირებული გარდაიცვალა.

წელს ამ ბაქტერიით სამი ადამიანი დაიღუპა. საზოგადოებრივი ჯანდაცვის ცენტრში აცხადებენ, რომ ინფექციური დაავადების მაჩვენებელი ყველაზე მაღალი აჭარაშია.

როგორც სპეციალისტები განმარტავენ, საშიში ბაქტერია ადამიანიდან ადამიანზე არ გადადის.

რამდენიმე დღის წინ ამ თემაზე სიუჟეტი ''მთავარში'' გავიდა.