ბიუჯეტის წარდგენის ვადა ხვალ იწურება

14 ნოემბერი 2017, 00:00 3266 ნახვა

საკრებულოებში მთავარი ფინანსური დოკუმენტის წარდგენის ვადა ხვალ იწურება. 2018 წლის ბიუჯეტის პროექტს საკრებულოს დღის ბოლოს გადაუგზავნის ქობულეთის მერია.

პირველადი პროექტით ბიუჯეტი 26 მილიონს შეადგენს, რაც გასულ წელთან შედარებით 8 მილიონით შემცირებულია. მერიის ინფორმაციით, პრიორიტეტები ძირითადად ინფრასტრუქტურულ პროექტებს უკავშირდება, რომლისთვისაც 13 მილიონია გათვალისწინებული.

3 მილიონზე მეტი განათლების, კულტურისა და სპორტის მიმართულებით დაიხარჯება, ერთი მილიონი კი ჯანდაცვისა და სოციალური სფეროსთვისაა გამოყოფილი. მუნიციპალიტეტი აჭარის მთავრობისგან ტრანსფერის სახით 13 მილიონს ლარს მიიღებს.

სოფიკო მაკარაძე

ჟურნალისტი