ცვლილება მუნიციპალური ტრანსპორტის მუშაობაში

04 ნოემბერი 2017, 00:00 3046 ნახვა

ქობულეთის მუნიციპალური ტრანსპორტის მომსახურების პროგრამაში ცვლილებები შევიდა. ტრანსპორტის დამატების მოთხოვნით კომპანიას მოსახლეობამ განცხადებით მიმართა. ავტობუსი ქობულეთი -ზედა ხუცუბნის მიმართულებით დღეში სამჯერ იმოძრავებს, იგივე გრაფიკით იმუშავებს ტრანსპორტი, რომელიც მგზავრებს ქობულეთიდან ცენტრალურ მაგისტრალზე ბობოყვათის მონაკვეთამდე გადაიყვანს.

“ტრანსრეგულირების “დირექტორის მოადგილის ინფორმაციით, ცვლილებების მიუხედავად ახალი ავტობუსები არ შეუძენიათ, რადგან 3 სატრანსპორტო საშუალება უწყებას რეზერვში ჰყავდა. თითო სატრანსპორტო ხაზის წლიური ხარჯი 20 ათასამდე ლარს შეადგენს.

სოფიკო მაკარაძე

ჟურნალისტი