ავტოსაგზაო შემთხვევის დროს ორი ადამიანი დაშავდა
04 სექტემბერი 2017, 00:00 15781 ნახვა
რამდენიმე წუთის წინ ავტოსაგზაო შემთხვევა მოხდა ბათუმში, თამარ მეფის გამზირზე. რკინიგზის სადგურის მიმდებარე ტერიტორიაზე ერთმანეთს ორი მსუბუქი ავტომობილი შეეჯახა. არიან დაშავებულებიც. სასწრაფო-სამედიცინო დახმარების ბრიგადამ ერთი დაზარალებული ბათუმის რეფერალურ საავადმყოფოში გადაიყვანა, მეორე კი მკურნალობის კურსს რესპუბლიკურ საავადმყოფოში გაივლის. მედიკოსების თქმით დაშავებულების მდგომარეობა საშუალო სიმძიმის იყო.
ბათუმის სასწრაფო-სამედიცინო ცენტრის ხელმძღვანელი ამბობს, რომ ერთ მათგანს მოტეხილობები, მეორეს კი ქალა ტვინის დახურული ტრავმა აღენიშნებოდა.
შინაგან საქმეთა სამინისტროს ინფორმაციით, საქმეზე გამოძიება 276-ე მუხლის პირველი ნაწილით აღიძრა, რაც ტრანსპორტით მოძრაობის და ექსპლუატაციის წესის დარღვევას გულისხმობს, რამაც ჯანმრთელობის დაზიანება გამოიწვია.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
ხვალ საქართველოში ნალექიანი ამინდია მოსალოდნელი, 20 ნოემბრიდან კი გამოიდარებს - გარემო
გადასვლა პოსტზე 
მაუწყებლობა