2017 წლის აგვისტოში საქართველოს 1,080,449 საერთაშორისო მოგზაური ეწვია, რაც წინა წლის ანალოგიურ პერიოდთან შედარებით 232,068-ით მეტია. აგვისტოს თვის მაჩვენებლებით ტურისტების რიცხვმა, რომლებმაც 24 საათი და მეტი დაჰყვეს საქართველოში 573,368 შეადგინა, რაც 2016 წლის აგვისტოს მაჩვენებელზე 122,721-ით მეტია. უწყების მიერ გავრცელებული ინფორმაციით, საერთაშორისო მოგზაურთა უპრეცედენტოდ დიდი რაოდენობა დაფიქსირდა ზაფხულის სეზონზე.

ივნისი-აგვისტოს მონაცემებით საქართველოს 2,729,429 საერთაშორისო მოგზაური სტუმრობდა, რაც გასული წლის ზაფხულის სეზონთან შედარებით 597,527-ით მეტია. 8 თვეში საქართველოს 5 მილიონზე მეტი საერთაშორისო მოგზაური ეწვია. იანვარი - აგვისტოს მაჩვენებლებით იმ უცხოელი მოგზაურების ანუ ტურისტების რიცხვმა, რომლებმაც 24 საათი და მეტი დაჰყვეს საქართველოში 2,402,699 შეადგინა, რაც 546,537-ით მეტია 2016 წლის იანვარი - აგვისტოს მაჩვენებელზე. ყველაზე მეტი ვიზიტი აზერბაიჯანიდან, სომხეთიდან რუსეთიდან თურქეთიდან და ირანიდან განხორციელდა. პოზიტიური ტენდენცია ნარჩუნდება ევროკავშირის ქვეყნების მიმართულებიდან, საიდანაც საქართველოში ჩამოსვლების რაოდენობის ზრდის კუთხით, იანვარ - აგვისტო გამოირჩეოდნენ: ნიდერლანდები, გერმანია, გაერთიანებული სამეფო და საფრანგეთი.