ბორჯომის ტყეში ბიდონი იპოვეს

23 აგვისტო 2017, 00:00 4202 ნახვა

ბორჯომის ტყეში ნაპოვნ ბიდონზე შინაგან საქმეთა სამინისტრომ გამოძიება 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს. უწყებაში აცხადებენ, რომ ეს ფაქტიც ხანძრის გაჩენის გამო დაწყებული გამოძიების ნაწილია. სოციალურ ქსელში აკა სინჯიკაშვილმა ფოტო რამდენიმე წუთის წინ გაავრცელა.

„დილას, ბორჯომის ტყეში ბენზინიანი, ოცლიტრიანი ბიდონი ვიპოვეთ. პატრული მოვიყვანე,მერე შსს მოვიდა, შეაფასეს, გამომძიებელი გამოიძახეს და ძიება დაიწყო. ეხლა ჩვენებაზე ვარ. სხვა ადგილას ქალსაც უპოვია ორი ცალი ბენზინიანი ბიდონი ტყეში.ყურადღებით იყავით! მოხალისეებიც, მაცხოვრებლებიც და გამვლელებიც, თუ სხვაგანაც შენიშნეთ საეჭვო რამე, მაშინვე 112-ზე დარეკეთ. ამ ბიდონს რომ რამე კავშირი ჰქონდეს ხანძართან, ამის დამგდებისთვის ციხე რანაირად არის საკმარისი რა ერევიან ხანძარს! ბიჭები არაადამიანური დატვირთვით მუშაობენ და მალე ყველაფერი კარგად იქნება'' - წერს აკა სინჯიკაშვილი