ჩვენ მივაღწიეთ დიდ პროგრესს ორ ფრონტზე - ტრამპი

26 მარტი 2025, 11:08 219 ნახვა

შეერთებული შტატები აცხადებს, რომ დადო ცალკე შეთანხმება უკრაინასა და რუსეთთან შავ ზღვაში უსაფრთხო ნავიგაციის უზრუნველსაყოფად და ორ ქვეყანაში ენერგეტიკულ ობიექტებზე თავდასხმის აკრძალვის განსახორციელებლად.

ცალკეული შეთანხმება დაპირისპირებული მხარეების პირველი ფორმალური ვალდებულებაა დონალდ ტრამპის ინაუგურაციის შემდეგ, რომელიც ითხოვს ომის დასრულებას და მოსკოვთან სწრაფ დაახლოებას, რამაც შეაშფოთა კიევი და ევროპის ქვეყნები. რუსეთი და უკრაინა შეთანხმდნენ დროებით შეაჩერონ დარტყმები.

აკრძალულ სამიზნეებს შორის ნავთობგადამამუშავებელი ქარხნები, ნავთობისა და გაზის მილსადენები და ატომური სადგურებია. სიაში ასევე შედის საწვავის შესანახი ობიექტები, სატუმბი სადგურები, ელექტროენერგიის გამომუშავებისა და გადაცემის ინფრასტრუქტურა.

დროებითი მორატორიუმი 18 მარტიდან დაიწყო და 30 დღის განმავლობაში იმოქმედებს, თუმცა შესაძლოა გაგრძელდეს.

გუგული ბერიძე

ჟურნალისტი