ახალციხის სტრუქტურულ ერთეულში დიდთოვლობის გამო მართვის უფლების მისაღები პრაქტიკული გამოცდის მეორე ეტაპი შეჩერებულია - მომსახურების სააგენტო
20 თებერვალი 2025, 11:22 194 ნახვა
დიდთოვლობის გამო მომსახურების სააგენტოს ახალციხის სტრუქტურულ ერთეულში სატრანსპორტო საშუალებათა მართვის უფლების მისაღები პრაქტიკული გამოცდის მეორე ეტაპი (ქალაქი) შეჩერებულია. ინფორმაციას მომსახურების სააგენტო ავრცელებს.
როგორც გავრცელებულ ინფორმაციაშია აღნიშნული, მიმდინარეობს გაწმენდითი სამუშაოები.
„პრაქტიკული გამოცდის მეორე ეტაპის გამოცდაზე ჩაწერილი კანდიდატების მიმართ დისკვალიფიკაცია არ გავრცელდება და გადახდილი თანხა სრულად შეუნარჩუნდებათ. კანდიდატებს, გამოცდაზე გასვლის კონკრეტული თარიღის შესახებ, დეტალური ინფორმაცია ეტაპობრივად ეცნობებათ. გაითვალისწინეთ, რომ დიდთოვლობის გამო, შესაძლოა, სააგენტოს სხვა სტრუქტურულ ერთეულებშიც საგამოცდო პროცესი შეფერხდეს. გთხოვთ, გამოცდაზე გასვლამდე, დაგვიკავშირდეთ ცხელ ხაზზე – 1272“, – ნათქვამია გავრცელებულ ინფორმაციაში.
ამავე კატეგორიაში
#უსმინეთ!
დიდი შესვენება
პოპულარული
ამინდი
ფოტო
საქართველოში 23-25 მოსალოდნელია თოვლი, ძლიერი ქარი, ზღვაზე 4-6-ბალიანი შტორმი - გარემო
გადასვლა პოსტზე 
მაუწყებლობა