უკრაინის პრეზიდენტი და პირველი ლედი აბუ-დაბიში ჩავიდნენ

17 თებერვალი 2025, 10:19 293 ნახვა

უკრაინის პრეზიდენტი და მისი მეუღლე აბუ დაბიში ჩავიდნენ. არაბეთის გაერთიანებულმა საემიროებმა უკრაინაში ომის დასრულების მიზნით მოლაპარაკებების მასპინძლობის სურვილი გამოთქვა. უკრაინული მხარის განცხადებით, ოფიციალური ვიზიტი პრიორიტეტს მიანიჭებს ოლენა ზელენსკას ჰუმანიტარულ პროგრამას, რათა უზრუნველყოს დატყვევებული უკრაინელების სახლში დაბრუნება, ასევე ინვესტიციები და ეკონომიკური პარტნიორობა.

13 თებერვალს, სააგენტო როიტერს აშშ-სა და არაბეთის გაერთიანებულ საემიროებში წყაროებმა განუცხადეს, რომ არაბეთის გაერთიანებული საემიროების ოფიციალური წარმომადგენლები "მშვიდობის სამიტის" მათ ქვეყანაში ჩატარების ინიციატივით გამოდიან. ასეთი სამიტი შესაძლოა გულისხმობდეს შეხვედრას ვლადიმირ პუტინსა და ვოლოდიმირ ზელენსკის შორის.

კრემლში აცხადებენ, რომ გადაწყვეტილება ჯერ არ არის მიღებული.

გუგული ბერიძე

ჟურნალისტი