ცნობილია პირველი სამი მძევლის ვინაობა, რომლებსაც "ჰამასი" გაათავისუფლებს

19 იანვარი 2025, 13:25 107 ნახვა

„ჰამასმა“ გაასაჯაროვა პირველი სამი მძევლის ვინაობა, რომლებსაც ისრაელთან ცეცხლის შეწყვეტის შესახებ მიღწეული შეთანხმების ფარგლებში გაათავისუფლებს.

ისენი ქალები არიან: რომი გონენი, ემილი დამარი და დორონ შტაინბრეხერი.

დორონ შტაინბრეხერი, 31 წლის, ვეტერინარი ექთანია, რომელიც თავის ბინაში იმყოფებოდა კიბუც კფარ აზაში, როდესაც „ჰამასმა“ 2023 წლის 7 ოქტომბერს თავდასხმა განახორციელა.

ემილი დამარი, 28 წლის, რომელსაც ბრიტანეთის და ისრაელის ორმაგი მოქალაქეობა აქვს მძევლად, ასევე, აიყვანეს კიბუც კფარ აზადან.

რომი გონენი, 24 წლისაა, ის Supernova-ს მუსიკალური ფესტივალიდან გაქცევის მცდელობისას დაატყვევეს.

ისრაელი აცხადებს, რომ ღაზის სექტორში ცეცხლის შეწყვეტის შესახებ შეთანხმება არ ამოქმედდება, ვიდრე ჰამასი იმ მძევლების სიას არ გადასცემს, რომელთა გათავისუფლებაც იგეგმება.

აჭარის მაუწყებელი

სოც. ადმინისტრატორი