საკონსტიტუციო ცვლილებების პროექტს კენჭს დღეს უყრიან

22 აპრილი 2017, 00:00 2781 ნახვა

სახელმწიფო საკონსტიტუციო კომისიამ მუშაობა დაასრულა. სამუშაო ჯგუფის ფორმატში განხილულ საკითხებს, სახელმწიფო საკონსტიტუციო კომისიის გაერთიანებულ სხდომაზე შეაჯამებენ. ახალი კონსტიტუციის რედაქციის პროექტს კომისიის წევრები კენჭს დღეს უყრიან. "ევროპული საქართველოს " ინიციატივას, პლებისციტის ჩატარების შესახებ, ეწინააღმდეგება მმართველი გუნდი.

საკონსტიტუციო კომისიაში პოლიტიკურ პარტიებს, არასამთავრობო ორგანიზაციებსა და მმართველ გუნდს შორის დავის მიზეზი: ქორწინების შესახებ ჩანაწერი, მანდატების განაწილება, 5-პროცენტიანი ბარიერი, პრეზიდენტის არჩევის წესი, პარლამენტის ადგილმდებარეობა და საარჩევნო სისტემის საკითხები გახდა.კომისიის მიერ მიღებული დოკუმენტი ვენეციის კომისიას გადაეგზავნება და საყოველთაო-სახალხო განხილვისთვის საქართველოს მოქალაქეებს მომავალი კვირიდან წარედგინებათ

თეონა ხარაბაძე

ჟურნალისტი