2025 წლის ბათუმის ბიუჯეტის საჯარო განხილვა
15 ნოემბერი 2024, 15:01 157 ნახვაბათუმის 2025 წლის ბიუჯეტი ნახევარმილიარდიან ნიშნულს მიუახლოვდა. ქალაქის მთავარი ფინანსური დოკუმენტის საჯარო განხილვა ბათუმის საკრებულოში დღეს გაიმართა. წარმოდგენილი პროექტის მიხედვით, ბათუმის ბიუჯეტი 492 მილიონ ლარს შეადგენს.
პრიორიტეტულ მიმართულებებს შორისაა მუნიციპალური ინფრასტრუქტურის განვითარება, ქალაქის დასუფთავება, ეკოლოგიური მდგომარეობისა და სარეკრეაციო ინფრასტრუქტურის მოწყობა, განათლება, კულტურა, ახალგაზრდობის ხელშეწყობა და სპორტი, ჯანმრთელობის დაცვა და სოციალური უზრუნველყოფა, ეკონომიკური და ურბანული განვითარება, წარმომადგენლობითი და აღმასრულებელი ორგანოების დაფინანსება.
ბათუმის საკრებულოში ქალაქის მთავარი ფინანსური დოკუმენტის პროექტი 13 ნოემბერს შევიდა.
რეგლამენტის შესაბამისად, მომდევნო კვირაში მას საკრებულოს კომისიებში განიხილავენ, 25 ნოემბრამდე კი შენიშვნებითა და წინადადებებით მერიას დაუბრუნდება.
ბიუჯეტი საკრებულომ 10 დეკემბრამდე უნდა დაამტკიცოს.
ამავე კატეგორიაში
#უსმინეთ!
არჩევნები 2024
პოპულარული
ამინდი
მაუწყებლობა