საქართველოსთან დაკავშირებით ემანუელ მაკრონის, ოლაფ შოლცისა და დონალდ ტუსკის ერთობლივ განცხადებას ავრცელებს - "როიტერი"

07 ნოემბერი 2024, 12:05 184 ნახვა

საფრანგეთის პრეზიდენტი ემანუელ მაკრონი, გერმანიის კანცლერი ოლაფ შოლცი და პოლონეთის პრემიერ-მინისტრი დონალდ ტუსკი ერთობლივ განცხადებას ავრცელებენ და შეშფოთებას გამოთქვამენ საქართველოში არსებული პოლიტიკური ვითარების გამო. განცხადებას სააგენტო „როიტერი“ ავრცელებს.

როგორც ე.წ. ვაიმარის სამკუთხედის ფორმატის წევრების მიერ გავრცელებულ განცხადებაში ნათქვამია, „მხარს ვერ დაუჭერენ ევროკავშირში საქართველოს გაწევრიანების მოლაპარაკების გახსნას, ვიდრე ქვეყანა არ გაატარებს რეფორმებს“.

„საქართველო თუ არ შეცვლის ამჟამინდელ კურსს, არ აჩვენებს რეფორმების ხელშესახებ მცდელობებს, განსაკუთრებით კი – არ გააუქმებს ბოლო დროს მიღებულ კანონმდებლობას, რომელიც ეწინააღმდეგება ევროპულ ღირებულებებსა და პრინციპებს, ჩვენ ვერ შევძლებთ, მხარი დავუჭიროთ საქართველოს გაწევრიანების მოლაპარაკებების დაწყებას“, – განაცხადეს ე.წ. ვაიმარის სამკუთხედის ფორმატის ლიდერებმა.

აჭარის მაუწყებელი

სოც. ადმინისტრატორი