ერდოღანის ოპონენტი გიულენი 83 წლის ასაკში აშშ-ში გარდაიცვალა
21 ოქტომბერი 2024, 13:50 244 ნახვათურქი მუსლიმი მქადაგებელი ფეთჰულა გიულენი, რომელიც ანკარას თქმით, 2016 წლის წარუმატებელი გადატრიალების უკან იდგა, 83 წლის ასაკში შეერთებულ შტატებში გარდაიცვალა, სადაც ის გასული საუკუნის 90-იანი წლებიდან ცხოვრობდა.
გიულენი ხანგრძლივი ავადმყოფობის შედეგად საავადმყოფოში გარდაიცვალა. გიულენმა თურქეთში ძლიერი ისლამური მოძრაობა შექმნა და ერთ დროს თურქეთის ლიდერის, თაიფ ერდოღანის მოკავშირეც იყო. 1999 წელს ისინი ერთმანეთს დაუპირისპირდნენ, რის შემდეგაც გიულენი აშშ-ში გაემგზავრა და გარდაცვალებამდე დევნილობაში ცხოვრობდა.
თურქეთის ხელისუფლების მტკიცებით, სახელმწიფო წესრიგის დამხობის მიზნით გიულენის ორგანიზაცია გრძელვადიან კამპანიას წარმართავდა და სახელმწიფო ინსტიტუტებში, კერძოდ, არმიაში, პოლიციასა და სასამართლოში თავისი წევრების ინფილტრაციას ახდენდა.
თავად გიულენი სამხედრო გადატრიალების მცდელობასთან ყოველგვარ კავშირს უარყოფდა.
ამავე კატეგორიაში
#უსმინეთ!
არჩევნები 2024
პოპულარული
ამინდი
ფოტო
1-2 ნოემბერს საქართველოში შენარჩუნებული იქნება თბილი და უმეტესად უნალექო ამინდი, 3 ნოემბრიდან კი გაწვიმდება - გარემო
გადასვლა პოსტზე 
მაუწყებლობა