ქედაში ავტოსაგზაო შემთხვევის შედეგად მცირეწლოვანი დაიღუპა
06 ოქტომბერი 2024, 14:01 875 ნახვა
ქედაში ავარიის შედეგად მცირეწლოვანი დაიღუპა.
თვითმხილველების ინფორმაციით, მსუბუქი ავტომობილი ხევში გადავარდა. მანქანაში რამდენიმე ადამიანი იმყოფებოდა.
შემთხვევა სოფელ ბზუბზუსთან მოხდა.
დაშავებულები, რომლებიც, სავარაუდოდ ერთი ოჯახის წევრები არიან, სასწრაფო-სამედიცინო დახმარების ჯგუფმა საავადმყოფოში გადაიყვანა.
კლინიკის ინფორმაციით, დაწესებულებაში მოთავსებულია ორი პიროვნება, რომელთაც აღენიშნებათ მსუბუქი დაზიანებები და უტარდებათ შესაბამისი მკირნალობა. როგორც მედიკოსები აცხადებენ, პაციენტების მდგომარეობა, ამ ეტაპზე, დამაკმაყოფილებელია.
შსს-ს ინფორმაციით ფაქტზე გამოძიება 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. უწყების ცნობით, დაკავებულია მძღოლი, რომელმაც სავარაუდოდ, საავარიო სიტუაცია შექმნა.
ამავე კატეგორიაში
#უსმინეთ!
არჩევნები 2024
პოპულარული
ამინდი
მაუწყებლობა