„გინდა 24 დეპუტატი იყოს და გინდა 240, როცა ტყუილებით არის სავსე ასეთი დოკუმენტები, მათ ვერ ექნებათ, ბუნებრივია, ვერავითარი ფასი, –  ასე შეაფასა საქართველოს პრემიერ-მინისტრმა ირაკლი კობახიძემ  ევროპის საბჭოს საპარლამენტო ასამბლეაზე მომზადებულ დოკუმენტთან დაკავშირებით.

მთავრობის მეთაურის თქმით, გლობალური ომის პარტია ძალიან მარტივად ზემოქმედებს ევროპის საბჭოს საპარლამენტო ასამბლეის ზოგიერთ წევრებზე.

„ერთი, რომ 24-მა დეპუტატმა მოაწერა ხელი ამ დოკუმენტს. 24-იც რომ არ ყოფილიყო და რომ ყოფილიყო 240 ან 600-ზე მეტი ევროპის საბჭოს საპარლამენტო ასამბლეის წევრია, თუნდაც რომ ყოფილიყო 600, რა ფასი აქვს ასეთ განცხადებას, როცა არის სავსე ტყუილებით, სიცრუით. მხოლოდ სამი კვირაა დარჩენილი, ოდნავ მეტი არჩევნებამდე, უპრეცენდენტოდ მშვიდ, ჯანსაღ გარემოში.
საარჩევნო პროცესებზე გელაპარაკებით, სად იყო ან დაშინება, ან მოსყიდვა, ან ადმინისტრაციული რესურსის გამოყენება, არ ყოფილა და ამიტომ არის სიცრუით სავსე ეს განცხადება. გლობალური ომის პარტია ძალიან მარტივად ზემოქმედებს ევროსაბჭოს საპარლამენტო ასამბლეის 24 წევრზე.
რომელიმე დასკვნაში სად არის ერთი ფაქტი, ამიტომ გეუბნებით, რომ გინდა 24 დეპუტატი იყოს და გინდა 240, როცა ტყუილებით არის სავსე ასეთი დოკუმენტები, მათ ვერ ექნებათ, ბუნებრივია, ვერავითარი ფასი“, – აღნიშნა პრემიერ-მინისტრმა.