აფრო-ამერიკული მუსიკის კვირეული ბათუმში

08 სექტემბერი 2024, 10:58 393 ნახვა

ზღვისპირა ქალაქი კიდევ ერთ ფესტივალს მასპინძლობს, ამჯერად მსმენელს აფრო-ამერიკული მუსიკა ელოდება. მაყურებლის წინაშე აფრო-ამერიკული მუსიკის ექსპერტი, დოქტორი კატი ბულოკი წარსდგება. სცენას დაიკავებენ ბათუმელი მუსიკოსები და მუსიკის მოყვარულები. აფრო-ამერიკული მუსიკის დღეებისთვის მზადება 29 სექტემბერს დაიწყო.

კონცერტი 9 სექტემბერს საღამოს 8 საათზე ბათუმის საზაფხულო თეატრში გაიმართება, დასწრება თავისუფალია.

კატი ბულოკი გუნდთან ერთად 15 ნომერს შეასრულებს. აფრო-ამერიკული საღამო განსხვავებული ფესვების, საერთო ღირებულებების პროექტის ფარგლებში დაიგეგმა, რომელიც არასამთავრობო ორგანიზაცია „ფოლკლორული საქართველოს“ და ამერიკის ელჩის გრანტის მეშვეობით ხორციელდება.

პროექტის პირველ ეტაპზე ონლაინ სემინარები გაიმართა, სადაც კატი ბულოკმა აფრო-ამერიკული მუსიკის თეორიასა და ისტორიის შესახებ ისაუბრა.

სოფიკო შავაძე

ჟურნალისტი