გილოცავთ საქართველოს საფეხბურთო ნაკრების გამარჯვებას, დარწმუნებული ვარ, წინ კიდევ ბევრი გამარჯვება გველოდება - ბიძინა ივანიშვილი

08 სექტემბერი 2024, 10:59 315 ნახვა

გილოცავთ საქართველოს საფეხბურთო ნაკრების გამარჯვებას!, - „ქართული ოცნების“ საპატიო თავმჯდომარე, ბიძინა ივანიშვილი ეროვნული ნაკრების მიერ, ჩეხეთთან მოგებულ თამაშს ეხმაურება. განცხადებას „ქართული ოცნება“ აქვეყნებს.

„4:1 - ერთა ლიგაზე, ჩეხეთის ნაკრებთან მიღწეული ამ დამაჯერებელი გამარჯვებით, ჩვენმა გუნდმა, კიდევ ერთხელ, უზომოდ გაგვახარა თითოეული ქართველი გულშემატკივარი!

ევროპის ჩემპიონატზე შთამბეჭდავი დებიუტის შემდეგ აშკარა იყო, რომ ქართული ფეხბურთისთვის ახალი, განსაკუთრებული ეპოქა დაიწყო, რაც გუშინდელი თამაშით, კიდევ ერთხელ, დადასტურდა.

ვულოცავ ეროვნული ნაკრების ფეხბურთელებს და ყველა იმ ადამიანს, ვინც ამ მებრძოლი, ერთ მუშტად შეკრული და საამაყო გუნდის ჩამოყალიბებაში წვლილი შეიტანა!

დარწმუნებული ვარ, წინ, კიდევ ბევრი გამარჯვება გველოდება!“, - წერს ივანიშვილი განცხადებაში.

ერთა ლიგის B დივიზიონის პირველ ტურში საქართველოს საფეხბურთო ნაკრებმა პირველი გამარჯვება მოიპოვა

აჭარის მაუწყებელი

სოც. ადმინისტრატორი