აეროპორტის გამტარუნარიანობა წელიწადში ოთხი მილიონი მგზავრია, გვჭირდება ამ რესურსის არსებითად გაფართოება, ახალი აეროპორტი გათვლილი იქნება 19 მლნ მგზავრზე - ირაკლი კობახიძე

26 მაისი 2024, 21:28 416 ნახვა

ახალი აეროპორტი იქნება გათვლილი 19 მლნ მგზავრზე, – ამის შესახებ საქართველოს პრემიერ-მინისტრმა, ირაკლი კობახიძემ „იმედის კვირასთან“ ინტერვიუში, მიმდინარე და დაგეგმილ პროექტებზე საუბრისას განაცხადა.

მთავრობის მეთაურის თქმით, არსებული აეროპორტის გამტარუნარიანობა წელიწადში ოთხი მილიონი მგზავრია, ახალი აეროპორტი კი 19 მლნ მგზავრზე იქნება გათვლილი.

„გადაწყვეტილება იქნა მიღებული ახალი აეროპორტის მშენებლობასთან დაკავშირებით. დღეის მდგომარეობით, აეროპორტის გამტარუნარიანობა არის ოთხი მილიონი მგზავრი წელიწადში და ჩვენ გაანგარიშებული გვაქვს, წლების განმავლობაში როგორ იქნება მგზავრთა ნაკადის ზრდა, მათ შორის, ტურისტული ნაკადების ზრდა და ჩვენ გვჭირდება ამ რესურსის არსებითად გაფართოება. ახალი აეროპორტი იქნება გათვლილი 19 მილიონ მგზავრზე“, – განაცხადა პრემიერმა.

აჭარის მაუწყებელი

სოც. ადმინისტრატორი