საქართველოში მოქმედი სხვადასხვაა ქვეყნის საელჩოები საქართველოს ნაკრებს ევროპის ჩემპიონატზე გასვლას ულოცავს.

აშშ-ის საელჩო:

„ვულოცავთ ეროვნულ ნაკრებსა და ყველა გულშემატკივარს ოცნების ახდენას. გილოცავთ მთელ საქართველოს ამ ისტორიულ გამარჯვებას!“ - წერია განცხადებაში.

საქართველოში თურქეთის საელჩო:

"ვულოცავთ ყველა ქართველ მეგობარს „ევრო 2024“-ზე მოხვედრას. გაუმარჯოს“, - აღნიშნულია საელჩოს გვერდზე.

საქართველოში აზერბაიჯანის საელჩო:

„ვულოცავთ ჩვენს მეგობრებსა და ქართველ ძმებს ისტორიაში პირველად ფეხბურთის ევროპის ჩემპიონატზე მოხვედრას და ვუსურვებთ წარმატებებს“, - წერს საელჩო.

საქართველოში შვედეთის საელჩო:

„ვულოცავთ საქართველოს ეროვნულ ნაკრებსა და ყველა გულშემატკივარს ოცნების ახდენას და ამ ისტორიულ გამარჯვებას!“ - ნათქვამია განცხადებაში.

საქართველოში დანიის საელჩო:

„ვულოცავ საქართველოს ეროვნულ ნაკრებს და ყველა გულშემატკივარს ამ ისტორიულ გამარჯვებას. შემდეგი გაჩერება ევროპის ჩემპიონატი“, - წერს დანიის საელჩო.

სამხრეთ კავკასიაში ნატო-ს გენერალური მდივნის სპეციალური წარმომადგენელი ხავიერ კოლომინა:

"საქართველომ ისტორიაში პირველად მოიპოვა ევროპის თასზე ადგილი საბერძნეთის ნაკრების დამარცხების შემდეგ პენალტების სერიაში. ვწუხვარ ჩემი ბერძენი მეგობრების გამო და მიხარია ქართველების გამო. გილოცავთ“, - წერს ხავიერ კოლომინა.

საქართველოს ნაკრები ევროპის 2024 წლის ჩემპიონატზე F ჯგუფში ითამაშებს, სადაც მისი მეტოქეები თურქეთის (18 ივნისი, დორტმუნდში), ჩეხეთის (22 ივნისი, ჰამბურგში) და პორტუგალიის ნაკრებები (26 ივნისი, გელზენკირხენში) იქნებიან.