ქედაში საავტომობილო გზის გულევის მონაკვეთზე შეზღუდვაა

06 იანვარი 2024, 12:04 955 ნახვა

უხვმა ნალექმა პრობლემები შექმნა საქართველოს სხვადასხვა კუთხეში. ბათუმი(ანგისა)-ახალციხის საავტომობილო გზის 38-ე კილომეტრზე, სოფელი გულების მონაკვეთზე, განვითარდა მეწყერი, რამაც გამოიწვია საავტომობილო გზის ჩაკეტვა - ინფორმაციას საავტომობილო გზების დეპარტამენტი ავრცელებს.

მათი განცხადებით ამ დროისთვის, აღნიშნულ მონაკვეთზე ავტოტრანსპორტის მოძრაობა შეზღუდულია. ადგილზე მობილიზებულია საავტომობილო გზების დეპარტამენტის ტექნიკა და ადამიანური რესურსი. მიმდინარეობს გაწმენდითი სამუშაოები, რათა უმოკლეს ვადებში მოხდეს მოძრაობის აღდგენა.

მაღალი გამავლობის ავტოტრანსპორტის მოძრაობა შესაძლებელია სოფ. აქუცაზე გამავალი, ადგილობრივი მნიშვნელობის საავტომობილო გზის გამოყენებით - წერია განცხადებაში.

აჭარის საზოგადოებრივი მაუწყებელი

ადმინისტრატორი