გურამ კაშიას და ჯაბა კანკავას „სლოვანმა“ ჩემპიონთა ლიგაზე ბოსნიის ჩემპიონი დაამარცხა

26 ივლისი 2023, 19:52 577 ნახვა

გურამ კაშიას და ჯაბა კანკავას ბრატისლავის „სლოვანი“ ჩემპიონთა ლიგის მეორე საკვალიფიკაციო ეტაპის პირველ მატჩში სტუმრად ბოსნიის ჩემპიონს, „ზრინსკის“ დაუპირისპირდა და 1:0 დაამარცხა. ვლადიმერ ვაისმა ორივე ქართველი ძირითად შემადგენლობაში ათამაშა და საკმაოდ მაღალი შეფასებაც მიიღეს 7,3. პირველი ტაიმი უგოლოდ დასრულდა, მეორე ნახევრის დასაწყისში 53-ე წუთზე კი „სლოვანი“ ზუბერუმ დააწინაურა და ანგარიში აღარ შეცვლილა. ჩემპიონთა ლიგის მეორე საკვალიფიკაციო ეტაპის საპასუხო შეხვედრაში ბრატისლავის „სლოვანი“ „ზრინსკის“ შინ პირველ აგვისტოს უმასპინძლებს.

ზაალ ჩიხლაძე

ჟურნალისტი