აშშ-ის სახელმწიფო დეპარტამენტი ლიკაშენკოს განცხადებას პასუხობს

25 ივლისი 2023, 11:02 559 ნახვა

აშშ-ს სახელმწიფო დეპარტამენტმა „უპასუხისმგებლო“ უწოდა ბელარუსის ლიდერის განცხადებას იმის თაობაზე, რომ რუსეთის კერძო სამხედრო კომპანია ვაგნერის მებრძოლებს პოლონეთზე თავდასხმა სურთ. ბელარუსის თავდაცვის სამინისტროს განცხადებით, ვაგნერის მებრძოლებმა დაიწყეს ბელარუსის სპეცრაზმის წვრთნები სამხედრო პოლიგონზე, რომელიც პოლონეთის საზღვრიდან რამდენიმე კილომეტრის დაშორებით მდებარეობს.

რაც შეეხება ვლადიმერ პუტინის განცხადებას, რომელმაც პოლონეთი ბელარუსზე თავდასხმის შესახებ გააფრთხილა, სახელმწიფო დეპარტამენტის წარმომადგენელმა მეთიუ მილერმა კრემლის მისამართით კიდევ ერთხელ გაიმეორა, რომ შეერთებული შტატები ნატოში მოკავშირე პოლონეთს დაიცავს.

პოლონეთმა ბელარუსთან საზღვარზე დამატებითი ჯარები გადაისროლა ვაგნერის მებრძოლების ბელარუსში განლაგების საპასუხოდ, რომლებიც რუსეთის მოძმე რესპუბლიკაში გასულ თვეში წარუმატებელი ამბოხების შემდეგ ჩავიდნენ.

გუგული ბერიძე

ჟურნალისტი