დირექტორობის მსურველთა რეგისტრაცია გახანგრძლივდა

28 ივნისი 2023, 14:40 691 ნახვა

საჯარო სკოლების დირექტორების შესარჩევი კონკურსის ვადა შეიცვალა. სამინისტროს გადაწყვეტილებით, დირექტორების მსურველთა მიერ დოკუმენტების წარდგენა 30 ივნისამდე გახანგრძლივდა. ელექტრონული რეგისტრაციისას კონკურსანტებს საშუალება აქვთ შეარჩიონ 3 სასურველი საჯარო სკოლა, სადაც მუშაობის სურვილი აქვთ.

კონკურსის დასკვნით ეტაპზე, დირექტორობის კანდიდატებს შორის არჩევანს სკოლების სამეურვეო საბჭოები გააკეთებენ. დირექტორი 6 წლის ვადით ინიშნება ან ირჩევა.

ერთსა და იმავე სკოლაში ზედიზედ ორჯერ არის შესაძლებელი იმავე კანდიდატის არჩევა. საქართველოს 2 086 საჯარო სკოლაა და ყველა სკოლას დირექტორობის მოვალეობის შემსრულებელი ჰყავს.

კონკურსში მონაწილეობისთვის სერტიფიცირება აუცილებელია. ტესტირების გავლის შემდეგ გასაუბრების ეტაპი აპლიკანტთა 76%-მა გაიარა.

გარდა ამისა, კონკურში მონაწილეობის უფლება აქვს მოქმედი დირექტორების იმ ნაწილს, ვისაც სერტიფიცირება უკვე გავლილი ქონდა.

აჭარის საზოგადოებრივი მაუწყებელი

ადმინისტრატორი