საჯარო სკოლის დირექტორობის უფლება მსურველთა 76%-მა მოიპოვა - განათლების სამინისტრო

08 ივნისი 2023, 12:47 1081 ნახვა

განათლებისა და მეცნიერების სამინისტროს ინფორმაციით, დასრულდა საჯარო სკოლის დირექტორობის მსურველთა სერტიფიცირების პროცესი, რომელიც აპლიკანტთა 76%-მა წარმატებით გაიარა.

"დირექტორობის მსურველებს შეუძლიათ, სამინისტროს ოფიციალურ ვებგვერდზე იხილონ მინისტრის ბრძანება და გადაამოწმონ მიღებული შედეგები:

https://mes.gov.ge/uploads/2023/658971.pdf

შედეგების გასაცნობად პირმა უნდა გამოიყენოს საჯარო სკოლის დირექტორობის სერტიფიცირების ეტაპზე რეგისტრაციის დროს მისთვის მინიჭებული უნიკალური კოდი.

იმ შემთხვევაში, თუ დირექტორობის მსურველს არ ახსოვს უნიკალური კოდი, შეუძლია, დარეკოს საქართველოს განათლებისა და მეცნიერების სამინისტროს ცხელ ხაზზე 2 200 220 ან თავად გადაამოწმოს ქვემოთ მოცემულ ბმულზე: directors.mes.gov.ge.", - აღნიშნულია განათლების სამინისტროს ინფორმაციაში.

აჭარის მაუწყებელი

სოც. ადმინისტრატორი