ტარიელ ნაკაიძის მოთხოვნა და მამუკა მდინარაძის პასუხი

23 თებერვალი 2023, 19:59 814 ნახვა

ტარიელ ნაკაიძე ითხოვს მამუკა მდინარაძემ საქართველოში მცხოვრებ მუსლიმებს ბოდიში მოუხადოს. ასევე, პარლამენტის წევრს ძალოვანი უწყებებისგან აინტერესებს პასუხი კითხვაზე, რა ძალადობრივი ჯგუფები მოქმედებენ ქვეყანაში, რომელსაც მდინარაძე რადიკალურ ისლამიზმს ეძახის? დეპუტატი ამბობს, რომ „ქართულმა ოცნებამ“ საქართველოში მცხოვრები მუსლიმების წინააღმდეგ სიძულვილის გაღვივება გააძლიერა. ცნობისთვის, მდინარაძემ ქვეყანაში არსებულ რადიკალურ ისლამიზმის საფრთხეზე ყურადღება “უცხოური გავლენის გამჭვირვალობის შესახებ“ კანონპროექტზე საუბრისას გაამახვილა. -ტარიელ ნაკაიძეს უპასუხა მამუკა მდინარაძემ, მისი განცხადებით, ისლამური რადიკალიზმის დაფინანსების საფრთხეებზე საუბრის გამო ბოდიშის მოხდის მოთხოვნა ძალიან უნიჭო პიარული სვლისა და ძალიან სახიფათო პროვოკაციის გარდა, არის რადიკალიზმის ყველა ფორმის, განსაკუთრებით რელიგიური რადიკალიზმის წახალისება, აცხადებს მდინარაძე.

მარიამ ურუშაძე

ჟურნალისტი