ფარული ჩანაწერები პოლიტიკური ბრძოლის იარაღად,  აუდიოჩანაწერის   სერიები გრძელდება. ამჯერად ტელეკომპანია ,,რუსთავი 2მა“  გაავრცელა მასალა, რომელშიც სავარაუდოდ ექსპრეზიდენტის დედა გიული ალასანია ფიგურირებს.  ისმის   დიალოგი რუსულ ფაქტორებზე,  ახსენებს  ყოფილ პრემიერ-მინისტრებს  ბიძინა ივანიშვილსა და  გიორგი გახარიას,  ,,ბუნებით პარაზიტები“ -ამ სიტყვებით  კი სავარაუდოდ,  გიული ალასანია ოპოზიციას მოიხსენიებს.   

ისევე როგორც წინამორბედი ჩანაწერის, არც ამის ნამდვილობაა დადასტურებული  და არც ისაა ცნობილი ვის ელაპარაკება ტელეფონზე  წუთნახევრიან მასალაში  სავარაუდოდ  ექსპრეზიდენტის დედა.    

გიული ალასანია ირწმუნება , რომ  ჩანაწერი არ მოუსმენია და ამას  არც აპირებს.

,,კიდევაც რომ ყოფილიყო  რატომ დღეს? - რამდენადაც მითხრეს, 2 წლის წინ მოხდა, ახლა რატომ გაახსენდათ, იმიტომ, რომ ახლა პროცესები მიდის?! ჩემს შვილს რომ ავნონ?!“ - კითხვებს სვამს გიული ალასანია, რომელიც ჩანაწერის ავთენტურობას არ ადასტურებს.